تعرفي على موضة المحجبات لموسم الشتاء في 2020 مع الألوان الباستيل

تنسيق الألوان الفاتحة مع الألوان الباستيل فكرة مميزة ومختلفة تدخلي بيها الألوان المبهجة للوك بتاعك في الشتا، والنهاردة من خلال موضوعنا هنشوف مع بعض موضة المحجبات للشتاء بالـ Candy colors وازاي تنسقيها مع بعض وتطلعي بلوك حلو ومختلف.

احنا اتعودنا دايما في الشتا على الالوان الغامقة او الالوان الدافية, لكن جيه الوقت ان احنا نطلع من النمط التقليدي دي ونغير في اللوك بتاعنا ونعمل ستايل مختلف.

الالوان الفاتحة والباستيل من الالوان اللي بتدي بهجة للوك، عشان كده بننصح كل بنات حوا انهم يحاولوا يجربوا الوان جديدة الموسم ده، ويجددوا الدولاب الشتوي بتاعهم بلوك مختلف.

ومن القطع التريندي جدا للموسم ده هو ال Rainbow كارديجان الطويل, اللي بيكون داخل فيه مجموعة الوان فاتحة ومبهجة زي الوان قوس القزح, وتقدري تنسقيه بطريقة بسيطة على تيشرت وبوي فريند جينز, او مع Cropped جينز واسع, او ممكن تلبسيه مع ليجينج وتنسقي معاه انكل بوت.

كمان من الألوان الموضة جدا للموسم ده للسويتر هو اللون الأرجواني أو البنفسجي بدرجاته الغامقة والفاتحة، وتقدري تنسقيه مع جينز وسنيكرز للوك كاجوال بسيط.

كل درجات البينك كمان من الالوان التريندي لموسم الشتا،, تقدري تلبسي فستان صوف بينك، او شيميز بينك مع جينز، او سويتر بينك Oversized.

قد يهمك ايضا:

اعتمدي الـ "تونيك" الجينز لإطلالة شبابية للجامعة

الفستان التونيك أحدث صيحات موضة صيف 2015